Saudi Arabia Iraki pillugu pasillerneqarpoq
Amerikamiut Nunanut Peqatigiinnut aallartitaata USA-p Kangia Qiterlermi qaninnerpaatut iligisaa Saudi Arabia pasillerpaa, toqqaannartumik Irakimi pissutsinik akerliulluni suliniuteqartutut. Taamaakka-luartorli amerikamiut naalakkersuisuisa sakkussiat milliardi koruuninik nalillit Saudi Arabiamut tuniniarniarpaat.
Saudi Arabiamillu kunngikkormiui maannakkut pasineqarnerminnut atatillugu paatsiveerutilerput, taama oqaluttuarpoq; Søren Rove, Syddansk Universitetimi, Ph.D.-mik ilinniagaliusoq, Kangianilu Qiterlermi naggueqatigiiaat unammilleqatigiinnerannut tunngatillugu atukkioqataasoq.
Illua´tungaatigut Saudi Arabia USA-p sanaatorniarneranut naleqquttorujussuuvoq.
Saudi Arabiap unnammillertini Irani Persisk Golfimi USA-tulli killilersornissaanut aamma soqutigisaqarpoq.
Saudi Arabiamiullu kunngikkormiusa Irani aalajaatsoq perusunneruvaat soorlutaaq USA-p tamanna aamma soqutigisarigaa.
Illua´tungaatigulli aamma pingaaruteqarpoq oqaatigissallugu, Saudi Arabiami innuttaasut uanilu pingaarnertut eqqarsaatigaakka Islamisiortut illua´tungiliuttut Iranimi naalakkersuisooqatigiinnut tapersersuinermikkut ikiuuttut aningaasanik nassiussuinermikkut Iranimiunut musliminut tapersersueqataasut. Saudi Arabiamiullu sorsoqataasussat aamma Iranimut nassiuttarpaat USA-mut sorsoqataasussat.
Naqissusissallugulu pingaaruteqartoq tassaavoq, Saudi Arabia nunanut saniliinut allanut sanilliullugu aalajaannerujussuugami, septemberip isikkarnata pisup pereernerata kingornatigulli Saudi Arabia aalajaannersaalerpoq. Saudi Arabia uuliaatilissuartut allatulli aningaasarpassuaateqarpoq, tamatumalu saniatigut Saudi Arabia, naalagaaffiup isertortumik paasiniaasartuinik pikkorilluinnartunik peqarpoq, illua´tungiliuttunut kikkunnulluunniit akiuilluarsinnaasunik.
Sakkussianik Saudi Arabiamut tuniniaaneq imatut paasineqassanngilaq nunap iluani nukittorsaaniarnertut, illua´tungaatigulli paasineqassaaq Saudi Arabiamut ikiuinertut, Iranimmi pissaaneqarnera taamaalilluni aamma illua´tungilerneqassammat, Søren Rove oqarpoq.
