Sassusseqataasimasutut nassuerpoq
Al-Qaida-mi peqqarniisaarniartartut siuttuini siullersaalluni New York-imi kiisalu Washington-imi 11. september 2001-imi peqqarniisaarniarnikkut saassusinernut pilersaarusioqataasimasutut pinerluuteqarnerminik Khalid Sheikh Mohammed nassueruteqarsimavoq.
Pakistan-imiulli Khalid Sheikh Mohammed-p september-ip 11-ianni saassussinerit kisiisa pilersaarusiorsimanngilai. Eqqartuussivimmi apersorneqarluni USA-p Guantanamo-base-jani. Nassuerutigisimavai, ukiuni kingullerni 10-15-ni peqqaarniisaarniartarnikkut saassusisarnerni amiilaarnartunik pilersaarusioqataasarsimanini.
Peqqarniisaarniartartoqatigiinnik Al-Qaida-kkormiunik USA-p tigusarinninniarnerani tigusarineqarsimasut pigaaruteqarnerpaat ilaagaat, Khalid Sheikh Mohammed, ukioq kingulleq taanna pillugu præsident, Bush ima oqaaseqarpoq;
- Peqqarniisaarniartartoq KSM – Khalid Sheikh Mohammed ukiuni pingasuni CIA-mi tigummineqarsimavoq, ukiorlu kingulleq september-imi isertortumik paasiniaasartut killisiuinerminni periuserisimasaat illersorlugu præsident, Bush ima nangippoq; killisiorneqartup Khalid Sheikh Mohammed-p peqqarniissaarniartartut allat Al-Qaida-meersut tigusariortorneqarnerannut paasissutissanik pingaarutilinnik nassueruteqarnermini oqaluttuussimavaatigut, amerikamilu innuttaasut saassutarineqarnerannut unitsitsisuusimalluni, taama oqarpoq, præsident, Bush.
USA-mi Illersornissamut Ministeriaqarfiup killisiuisimanerit inerneri arlallit 11. september-imi 2001-imi pisimasuinnaanngitsut saqqummiuteqqammerpaat.
Khalid Sheikh Mohammed-p pinerlunnikkut ajortuliarisimasai tassaasimapput; Bali-mi 2002-mi peqqarniisarniarnikkut qaartartumeerisimaneq, aviisiliortumillu; Daniel Pearl-imik Parkistan-imi inuartarinnissimaneq aammalu 1993-imi New York-imi World Trade Center-imut peqqarniisaarniarnikkut saassusisimaneq
Katillugit peqqarniisaarniartarnikkut 29-nik inuartarinnissimanerit qaartartumeeriniarlunilu pilersaarusioqataasarsimanert Khalid Sheikh Mohammed-ip nassuerutigimavai. 2003-milu amerikamiut sakkutuuinit immikkut sungiusakkanik Pakistan-imi tigusarineqarpoq, maannalu sakkutuutut sorsoqataasimasutut pineqarluni Guantanamo-mi tigusanut eqqartuussivimmi pinerluutigisimasani tamakku pillugit eqqartuunneqaleruttorpoq Guantanamobase-mi
