Sassarsuinngooq! Niaqornat avataanni

Sassarsuinngooq! Avannaani sassanik ullumi toraarsisoqarpoq, tassa Uummannap kommuneani nunaqarfiup Niaqornat avataanni, Niaqornaniit avannamut kimmut 7 sømiilinik ungasitsigisumi.

Taakkulu kikkunnilluunniit piniarneqarsinnaapput nalunaarummi paragraf 12 immikkoortoq 2 tunngavigalugu. Uummannap kommuniani aningaasaqarnermut Inuussutissarsiornermullu ataatsimiititaliaq taama nalunaarpoq.

Ilanngullugu nalunaarutigineqarpoq qamuteralaat atorlugit sassiarnissaq aamma akuersissutigineqartoq.

Sassaqarfiup tungaani siku ilaatigut ajortarsinnaammat sassiartut aamma mianersoqquneqarput.

Sassat siumorneqarput Uummannap kommunea Namminersornerullutillu Oqartussat suleqatigiillutik qulimiguulimmik attartorlutik, KNAPP peqatigalugu ullumi missuineranni. Tamatuma kingorna sassat toraarneqartut piniarneqarnissaat aalajngiunneqarpoq, aalajangernerlu tassa aallaaveqarpoq Namminersornerullutik Oqartussat nalunaarutaat naapertorlugu.

UUmmannap kommuneani borgmesteriugallartoq Jens Trolle taama nalunaarpoq.