SASip piginneqataassutai suli tunineqanngillat

Air Greenlandimiillu SASip piginneqataassutai piaartumik tunineqarnissat maannakkut naatsorsuutigineqanngilaq.

SASip nunani avannarlerni timmisartuussisarnini aallunnialerpai.

Aningaasarsiornikkut inissisimaneq maannakkutut itsillugu, timmisartortitseqatigiiffinnik pisisinnaasut amerlinissaat naatsorsuutigineqanngilaq. Timmisartortitseqatigiiffinnik marlunnik pisortanit pigineqartunit ingerlatsinissamut peqataajumasunik nutaanik nassaarnissaq ajornakusuussasoq Air Greenlandimi tuniniaanermik piseqqussaaruteqarnermilu pisortaq Christian Keldsen oqarpoq.

Air Greenlandimik piginneqataasut tassaapput, SAS 37,5 procentimik piginneqataasoq Namminersornerullutik Oqartussat 37,5 procentimik naalagaaffillu 25 procentinik piginneqataavoq.

SASip piginneqatigiissutinik tuniniaanerminik ajornartorsiuteqarnera Air Greenlandip ingerlatsineranut ajortumik sunniuteqarnissaa, Christian Keldsenip naatsorsuutiginngilaa.

SASip aningaasatigut piginneqataassutai timmisartortitseqatigiiffimmit allamit pisiariumaneqartuuppata nuannissagaluaqaaq.

Aningaasarsiornikkut ingerlatsinermik ineriartortitserusuttumik suleqateqarluni uatsinnut peqqinnarnerummat, Christian Keldsen oqarpoq.