Timmisartortitseqatigiiffik SAS ukiut sisamat nunatsinnut nunatsinniillu ilaasunik angallassisimanani, ullumi timmisartuussussisarnernini aallateqqippaa, aallaqqaammut sapaatip akunneranut marloriarluni Kangerlussuarmut timmisisitsisassaaq ataasinngornermi tallimanngornermilu. Qaammatillu tulliani Kangerlussualiartitsisarnerini pingasoriartalissavaa, tassa sisamanngornermi aamma SAS Kangerlussuarmut utimullu København-imut ingerlaartalissagami.
Jens langergård SAS-imi paasissutissiisartoq oqaluttuarpoq, ullumikkut SAS-ip Kangerlussuarmut timmisartuusseqaarnerani annertunerusumik angalatitsisartut angalatitseqatigiiffiillu ilaasorisimagitik taamaalillutik takuniassammassuk kalaallit nunaanni takornariarfissanik periarfissat. ”timmisartuusseqqilerneq nuannaarutigeqaarput, naatsersuutigaarpullu takorniarianik amerlasuunik timmisartuussisarumaarluta Jens Langergård SAS-imi paasissutissiisartoq radioavisimut oqaluttuarpoq.
