SAS-ip timmisartunut mekanikerii timmisartortartunut tapersersuillutik suliumajunnaarnertik atorunnaarsikkallaraat
Flymekanikerit SAS-imi timmisartortartut suliumajunnaarnerannut tapersersuillutik sapaatip akunnerani kingullermili suliumajunnaaraluartut ullaaq manna suliartoqqittut, kattuffiani Dansk metalimi Keld Bækkelund Danmarksradiomut ippassaq unnukkut oqarpoq.
- Flymekanikerit suliartoqqipput, kattuffiat Dansk metali illuatungaanilu Dansk industri SAS-ilu isumaqatigiimmata tapersersuillutik suliumajunnaarnerat SAS-illu suliartoqqusiunnaarnera unissasut, Keld Bækkelund DR-imut oqarpoq.
AAMMA ATUARUK Immikkut ilisimasallip SAS-imi sukkasuumik isumaqatigiissuteqartoqarnissaanut neriuutissaqarsorigaa
Flymekanikerit sulisitsisuallu SAS taama isumaqatigipput, SAS-ip Danmarkimi, Norgemi Sverigemilu timmisartortartui katillutik 1000-it missaanniittut timmisartuusseqqilerniassammata.
Timmisartortartulli SAS-ilu inaarutaasumik isumaqatigiissuteqarsimanersut Dansk metalimit suli oqaatigineqarsinnaanngilaq.
Dansk metalip ilaasortaasa flymekanikerit 200-t missaanni amerlassusillit SAS-illu isumaqatigiinniarneri sisamanngorpat nanginneqassapput.
SAS-imi timmisartortartut flymekanikerillu siuliumajunnaarmata, taakkua SAS-illu timmisartuini saqisut ilanngullugit juulip sisamaanniit SAS-imut suliartoqqusaajunnaaraluarput, suliumajunnaarnerlu SAS-imut ilaasussarpassuit 270 tusindinit amerlanerusut angalanissaannik eqquivoq.
