SAS-ip Kalaallit Nunaannukartarnini unitsippaa
Ullumi radioaviisimi oqaatigeriikkatsitut SAS-ip angallassinissaminik allanngortiterinerminut ilanngullugu aasaanerani Kalaallit Nunaannukartarnini unitsippaa. Kalaallit Nunaanniit Kalaallit Nunaannulluunniit angalaniarlutik inniminneereersimasut aarleqqutissaqanngitsut Air Greenlandip pisortaa, Michael Binzer oqarpoq.
Allattoq Mads Lynge
marsip 10-at 2009 17:33
- Inuit angalanissaminnut SAS-imi inniminniisimasut pakatsisinniarnagit akisussaaffik uagut tiguarput. Tassa imaappoq SAS-ip Kalaallit Nunaannut maannakkut angallassissaarnera, inniminneereersunut malunnaateqassanngilaq. Taamaammat angalaniarlutik inniminneereersut tamaasa angallanniarlutigit, timmisartut atortariaqakkavut angalatissavagut.
Micahel Binzer aamma oqarpoq, SAS-ip Kalaallit Nunaannut angallassissaarnera imatut nuannaarutiginngikkitsik, tassami unammilleqatigiinneq peqqinnartuummat. Pissutsilli taamaannerisa takutiinnarunaraat Kallaalit Nunaannut angallassiniarneq aningaasarsiorfigiuminaatsoq.
Kisianni aasaru angalarusuttunut neqeerooruteqassaqqaarpugut, SAS apeqqutaatinnagu, Air Greenlandip pisortaa, Michael Binzer oqarpoq.
