Assi: KNR // Anton Gundersen Lihn

SAS-ip Air Greenlandimi piginneqataassutai Naalakkersuisut pisiarerusukkaat

Naalakkersuisut SAS-ip Air Greenlandimi piginneqataassutai pisiarerusuppaat, SAS tusagassiorfinnut nalunaaruteqarluni taama allappoq.

SAS-ip Air Greenlandimi 37,5 procentinik piginneqataassuteqarpoq, naalagaaffiullu piginneqataassutai 25 procentiullutik.

Danskit naalakkersuisuisa nunatsinnilu naalakkersuisut Danmarkip nunatsinni mittarfinnut marlunnut aningaasaliinissaa pillugu politikkikkut isumaqatigiissusiortoqareersoq SAS-ip aktianik piginneqataassutaata pisiarineqarnissaat soqutigineqalerpoq. Isumaqatigiissuteqartoqarneranimi paasinarsivoq danskit naalagaaffiata aktianik piginneqataassutaata pisiarinissaannut periarfissat nunatsinni naalakkersuisut misissorumagaat.

AAMMA ATUARUK Selvstyret kan købe statens andel af Air Greenland

Isumaqatigiissut piumasaqaatinik arlalinnik imaqarpoq, ilaatigut Namminersorlutik Oqartussat piginneqataassutinik pisinerannut pissutsit arlallit illuatungeriinnut tamanut naammaginartuussasut. Tamatumunngalu peqatigitillugu tunisineq oqartussanit susassaqartunit akuerineqaqqaassaaq.

SAS-ip piginneqataassutai nunatsinnit pisiarineqassappata, piumasaqaatit taama ittut aamma atuutissapput, tamatumunngalu peqatigitillugu aktianik tunisinissaq SAS-ip siulersuisuinit aamma akuerineqaqqaartariaqassalluni.

Namminersorlutik Oqartussat Air Greenlandimi piginneqataassutaat 37,5 procentiupput.

 

Isummersuutit

2018-10-12_14_10_56-inatsisartut-ukiakkut-ataatsimiinnerat-001.png

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat