SAS-imi sipaarniarneq nunatsinnut suniuteqassanngilaq

Air Greenlandimi piginneqataassutit 36 procentii SAS-imit pigineqarput, SAS-imilu ajornartorsiorneq Air Greenlandimut siulersuisunut siulittaasup Julie Parsip sunniuteqassasorinngilaa.
februaarip 09-at 2010 11:28

SAS sipaarniarnini pillugu sulisunik 700-nik soraarsitsinissaa ullumi tutsiuppoq, nunatsinnulli sunniuteqarnissaa ilisimagineqanngilaq.

- Naamik, sunniuteqassasoq isumaqanngilanga. Kisianni soorunami Air Greenlandiminngaannit piareersimassaagut, SAS Air Greenlandimi aktiaatitik tuniniaqqikkugullugit oqariataassappat, Air Greenlandimi siulersuisunut siulittaasoq Julie Pars oqarpoq.

Nunarsuarmi ukiuni kingullerni aningaasaarnikkut ajornartorsiuteqalernerup kingunisa ilaat tassaavoq, angalasut nunarput tamaat isigalugu ikileriarnerat. Suliffeqarfilli siunissamut pilersaaruteqarnini iluaqutigissavaa.

- Air Greenland ukiunut tullernut pilersaarusiaminimi Qarsoq 2012-imi sanngeequtit nukittuffiillu sammivai, nutaanillu periarfissarsiortoqarpoq, Julie Pars erseqqissaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq