SAS-ip siulersuisui ullumi ataatsimeeqatigeereerlutik aalajangerput, SAS-ip Air Greenland-imut piginneqataassutsini aktiet tuniniassagai.
Taama nutaarsiassaqartitsivik Travel People allappoq.
Air Greenland-imut piginneqataanermi SAS-ip 37,5 procentit pigai. Namminersornerullutik oqartussat aamma 37,5 procentinik piginneqataavoq. Piginneqataaffiit kingulliit 25 procentit, danskit naalagaaffianit pigineqarput
2002 tikillugu malunnaatilimmik Grønlandsfly-mi aalajangigassani SAS-i malunnaateqartarsimavoq, ukiunili kingulliunerusuni nipaarluusimalluni.
Piffissami sivisuumi siulersuisut ataatsimiittarnerini SAS-imeersut takkuttarsimanngillat.
SAS-ip piginneqataaffiinik kina pisissanersoq suli ilisimaneqanngilaq.
Pginneqataasarneq pillugu inatsit naapertorlugu piginneqatalersussat nutaat, aatsaat namminersornerulltutik oqartussanit akuerineqaqqaartussaapput. Taamaammat kialuunniit Air Greenland-imik piginneqataaffik pisiarisinnaanngilaa.