SAS 4,4 milliarder koruuninik amigartooruteqarpoq

Suliffeqarfik ajornartorsiorpoq taamaattorli ilorraap tungaanut ingerlasoq SASimi aqutsisut oqaluttuaraat.

Tulleriiaaginnarnik sipaarniuteqareeraluarlutik SAS siorna 4,4 millarder koruuninik amigartooruteqarpoq.

- Maani isersimasut ajornartorsiornermik taama sukkatigisumik siaruariartortumik, taama annertutigisumik silarsuarmilu tamarmi atuuttumik misigisaqarsimanngisaannarput, SASip pisortaanera Matz Jansson Stockholmimi tusagassiortunik katersortitsinermi taama oqarpoq.

SASip 4,4 millarder koruuninik amigartooruteqarnera oqaluttuaraa qanorlu ingerlaannarnissaminnik periusissartik aamma oqaluttuaralugu.

Tamassumunnga nassuiaataasinnaanerarpaat ajornartorsiortitsinerpaasoq SpanAir. SpanAirip amigartoortitsinera pillugu SAS ukiap ingerlanerani millardinik arlaqartunik nalikilliliisariaqartarsimavoq. Maannalu SpanAirimik tunisigaluarluni SAS amigartooruteqarpoq. Aningaarsarsiornikkut ajornartorsiornerup timmisartullu orsussaata akisunerujussuata saniatigut amigartoortitsinerpaasoq taassaavoq SpanAir.

Suliffeqarfik Stockholmimi qullersaqarfeqaleruni, nunanit piginnittunit akuleruffigineqarpiarani, sukkanerusumik aalajangersinnaalissapput aalajangiisartullu Sverigemiissapput. SASimi sulisut 3000-it missaanniittut soraarsinneqassapput allallu 5.600-it allamut suliffissarsiortariaqassallutik. SAS-ip aktiaatini tuniniarpai, taakkununngalu ilaapput Air Greenlandimi aktiet.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat