Sarkozykkut amerlanerussuteqangaalernissaat ilimagaat

juunip 17-at 2007 16:54

Frankrigemi inatsisartunut aappassaanneerluni ullumi qinersinerup takutippaa præsidentinngortup Nicolas Sarkozyp partiia UMP inatsisartuni amerlanerussuteqalisassasoq.

Frankrigemi paartiit naalakkersuisuutitaqartut qanganisarsiornerusut UMP siuttoralugu parlamentimi inissanit 577-iusunit 400-it missaat pissagaat naatsorsuutigineqarpoq.

Sarkozyp partiaata UMP taaguunneqarluassaguni parlamentimi inissai 463-iulluarsinnaapput, taamalippallu naalakkersuisooqatigiinnut illuatungiliuttut inissaat tallimararterutaannanngorsinnaasut, DR-mi aallaserineqarpoq.

Frankrigemi qinersineq taama inerneqassappat qinerseriaaseq ajornartorsiulersinnaavoq tassami

Parlamentimi inissat qinersisartullu kissaataat iminnut naapertuuttuaannanngimmata, Sarkozyllu partiia parlamentimi naalakkerusisooqatigiinnilu amerlanerussuteqarlualerpat tamanna inuinnaat oqartussaqataanerannut equtitserujussuarsinnaasoq tikkuarneqarpoq.