Sarkozy: Tyrkia EU-mut ilaasortanngorsinnaasariaqarpoq

Franskit præsidentertaavata Nicolas Sarkozyp Tyrkiap EU-mut ilanngussinnaaneranut tuungatillugu matu ikersiallallarpaa. Naalakkersuisooqataasa tyrkiamut apeqqummut tunngatillugu isumaqatiginngittorujus-suuaat, maannakkulli ersarissivoq EU-p ataatsimiititaliarsuata sapaatit akunnialunngui qaangiuppata teqqit nutaamik isumaqatiginninniarfiginissaannut tunngatillugu tamanna Frankrigip ajoriffissaqartinngikkaa.

Sarkozyp Frankrigimi præsidentinngorniunnermi qineqqusaarnerminni oqaatigiuarpaa Tyrkia EU-mut attuumassuteqanngittoq Asiaaqqamulli atasuusoq. Ipparsarlu Bruxellemi oqaatigaa, Tyrkia pillugu apeqqut maannakkut qaqissallugu piffissan-ngortoq. Oqaatigalugu saaffiginnissutinik assani maannakkut ulikkaaqqasut Tyrkiap EU-mut ilanngunnissaanut tunngasuteqartunik, maannakkut EU-mi isumaqatigiissut pisoqalisoorsimavoq taannalu piaarnerpaamik taarsertariaqartoq oqaatigaa.

Franskit isaannik isigalugu Sarkozy præsidentinngortinneqarmalli tusagassiortut apeqqut taanna pillugu malersulerpaat, Tyrkiap EU-mut ilanngussinnaanera eqqartorneqalerpat junip 26-ianni Frankrigip naaggaarsinnaanini atussanerlugu, EU-mi ataatsimiititaliarsuup tyskit siulittaasoqarfiata teqqinut pilluaqqussutaat pingasunik immikkoortulik ilanngutitsinissamik imalik pisortatigoortumik tamanut ammasumik eqqartulerpassuk.

Frankrigi ilanngutsitinissamut peqataanianngilaq, Sarkozyp oqaaseqartartuutitaata oqarnera malillugu,

Kapitalimik ammaaneq tekniskiinnaavoq, kapitalimilli matusineq politikimut attumassuteqartoq. Taakkua marluk tamarmik arlaannut attuumassuteqarput nunanillu 27-init isumaqatigiissutigineqaqaartus-saallutik.

Tamatumali Sarkozy kiggigutsissimajunnarsippaa.

Frankrigimi naaggaaraluarpat ingerlaannaq EU-mi tyrkiamiut pingaarnerpaatut oqaaseqartartuutitaanit kiisalu tuluit nunaannit EU-milu nunanit arlalinnit saalersuunneqalissangami.

Frakrigip allatut isumaqalersimanera sivisuumik pia-reersarneqarsimassaaq ingammik naalakkersuisunngor-titsinermi eqqartorneqarsimassalluni, Frakrigillu nunanut allanut ministerertaavata Bernard Kouchner-ip

Nakorsat sumulluunniit ikiuiartorlutik allartarnerannut aallarniisup, Sarkozy sunniivigisimassavaa oqaluttarnermigut Tyrkia EU-mut atasuusoq imlt. Ilaasoq, tunngavilersuutigalugu Tyrkia upperisarsiortunit aqunneqanngitsoq tassa islamimik upperisalinnut ilaanngitsoq. Europamilu ministerin-ngorlaaq Jean – Pierre Joulyet aamma taamatut isuma-qarpoq. Sarkozy oqarsimavoq arlaatigut iliuuseqapallanniarluni, Tyrkiallu EU-mut ilaatinneqannginnissaa qineqqusaarutiginikuugamiuk.

Qitsuup isertarfiatut ittumik periarfissiilaangiinnarallarpoq.