Sarkozy nuannaarutigisassaqaqaaq
Frankrigip præsidentertaava Nikolas Sarkozy nuannaarutissaqassaqaaq.
Sarkozy-p partiaa konservativit UMP Frankrigimi inatsisartunut aqagu qinersinissami ajugaasussatut ilimagineqarpoq, socialistillu ajorsassangatinneqarlutik.
Frankrigip pigisaani qinersinerit aallartereerput, taakkunani innuttaasut 700.000-it missaanniiittut maanna taasisinnaalereermata.
Frankrigimi inatsisartut inissaat 577-iupput, partiillu 80-it qinigassanngortitaqarlutik.
Partii qinersivimmi ataatsimi 12,5 procentinit amerlanerusunilluunniit taaneqarsimasoq qinersinerup aappaannut ingerlaqqissinnaavoq, qinigassanngortittorli ataaseq ikinnerpaamik 50 procentinit taaneqarsimaguni inatsisartunut qinigaassaaq.
Ullumikkut qinersisoqartuuppat konservativit 370-it 430-illu akornanni qinigaatitaqassagaluarput. Konservativit maanna 359-inik ilaasortaatitaqarput.
Socialistit 110-t aamma 140-llu akornanni ilaasortaatitaqalernissaat ilimagineqarpoq. Socialistit manna ilaasortaatitaat 149-pput.