Sarfaq Ittuk Paamiunit avannamukassaaq

Kujataani sikorsuaqarpallaanera pissutigalugu sinersortaatit angalaaqqilernissaat utaqqineqarsimaqisoq kinguaattuulaassaaq. Sarfaq Ittuup nunatta kujataanit avannamukarluni aallarnissaralua aqagu pisussaagaluaq taamaatinneqarpoq, ilaasussanik 36-nik eqquisumik. Sarfaq Ittuk kujammukartinnagu, Nuummit Paamiunukartiinnariarlugu tassanngaannit tallimanngorpat avannamukartussanngortikkitsik, Arctic Umiaq Line-mi Tunisinermut nittarsaanermullu pisortaq Jette Larsen ilisimatitsivoq.

-Sarfaq Ittuk massakkorpiaq Nuummiippoq kujammut aallartinneqanngilarluunniit ilimananngingaarmat Qaqortumut Narsamullu pulasinnaanera. Taamaattumik inniminniisimasorpassuit Paamiunit Nuummiillu avannamut ingerlasussat eqqornaveersaarlugit sinersortaat misiliitinngilarparpulluunniit. Sikunik alapernaarsuisut naliliinerat naapertorlugu umiarsuullu naalagaata naliliinera naapertorlugu Qaqortumut Narsamullu misiliinissaq akilersinnaanngivippoq.

Qaqortumit Narsamillu inniminniisimasut tamaasa Arctic Umiaq Line-mit saaffigiortornikuuaat. Amerlanerit sapaatip-akunnerata tullianut nuutsinneqarput, allalli angumerisassatik angumerisinnaajunnaarlugu angalanissaminnik unitsitsiinnarput.

- Periarfissaqannginnatta allamik neqeroorfigissallugit. Allatut ajornaqaaq. Anorersuariataarsinnaavoq sikorsuarnik avalatsitsisumik. Kisianni aamma amerlisinnaapput. Sapaatip-akunneri tamaasa nalilersortassavarput, Jette Larsen Arctic Umiaq Line-imi Arctic Travel Group-imit maanna ingerlanneqartumi Tunisinermut nittarsaanermullu pisortaq oqarpoq.