Sarfaq Ittuk maajip qaammataani angalalissaaq

Sarfaq ittuup nunatsinni sinersorluni angalanissaa qaammammik ataatsimik kinguaattoorpoq, Arctic Umiaq Line nalunaarpoq. Angalatitseqatigiiffiup naatsersuutigaa maajip ulluisa aappaani sinersortaat angalalerumaartoq.

Sarfaq Ittuk angalalereersussaagaluarpoq – taamatullu poorskikunni angalasussat angallatilereersussaagaluarlugit. Nunatsinnulli ingerlaartilluni anorersuarsiornermini igalaavi pingasut aserorneqarput.

Igalaavisa aserorneqarnerisa kingorna atortut annertuumik immamik ajoquserneqarput – umiarsuullu atortuisa annertunersaat taarsersorneqartariaqassallutik.

Arctic Umiaq Line-ip Sarfaq Ittuk-mut ilaaniarlutik apriilip qaammataani ilaaniarlutik inniminniisimasut pisisimasullu attavigiortorpai.

Kinguaattoorneq imminut nuaniikkaluartoq, Arctic Umiaq Line-p nuannaarutigalugu nalunaarutigaa, aasamut angalaniat internet atorlugu inniminniisinnaalissasut.