Sarfaq Ittuk angalaqqilissaaq, Qeqertarsuarmullu aallaqqaammut angalassalluni.Assi: Mads Pihl/Visit Greenland

Sarfaq Ittuk maajip aallaqqaataani angalaqqilissasoq

Sinersortaat ukioq manna angalaqqileruni avannaanut ingerlaaqqaassaaq.

Sarfaq Ittuk ukiooreernerata kingorna marsip ulluisa 27-anni angalaqqilertussaagaluarpoq.

Ilisimaneqartutullu angalalinngitsoorpoq, coronammi ajornartorsiortitsinerata nunarput martsip ulluisa 20-anni matuaa - tamannalu nunatta iluani angallannermut aamma sunniuteqarpoq.

Arctic Umiaq Linelli ilaasartaataata ukiooreernerani angalaqqilernissaanut ulluliisoqarpoq - tassalu Sarfaq Ittuk maajip aallaqqaataani Qeqertarsuup Tunuanut angalasussanngorluni.

AAMMA ATUARUK Disko Line Arctic Umiaq Linelu angallassiunnaarallartussanngortut

- Coronap ajornartorsiortitsinerata kingunerisaanik Kalaallit Nunaanniit Kalaallit Nunaannullu ilaasoqarluni angallassinnerit aamma kinguartikkallarneqarsimapput, maannamuugallartoq juunip aallaqqaataata tungaanut. Ilimagaarput ilaasussatsinnut sunniuteqartussamik takornariat ukioq manna malunnartumik ikileriangaatsiassasut. Taamaattumik ingerlaarnissatsinni pilersaarutigut allanngortippagut.

Sinersortaat pilersaarut malillugu Qeqertarsuup Tunuanut maajip ulluisa 15-iannit aatsaat angalalertussaagaluarpoq. Maannali Qeqertarsuup Tunuanut maajip aallaqqaataani angalaqqaartussanngorpoq. Aasiannut, Ilulissanut Qeqertarsuarmullu maajip ulluisa pingajuanni angalassaaq.

Isummersuutit