Sarfaq Ittuk angalaqqilissaaq
Sinersortaat Sarfaq Ittuk aqagumiit sinerissami ilaasunik angallasseqqilissaaq.
Allattoq Elisa Isaksen
Sinersortaat marlunngormat Maniitsup kujataani anorersuarsiortilluni igalaaminik marlunnik aserortooramili Nuup umiarsualiviani uninngatinneqalerpoq.
Arctic Umiaq Line-mit oqaatigineqarpoq Sarfaq Ittuk aqagu tallimanngornermi oktobarip aqqaneq aappaani nalunaaqutaq 23.30 Nuummiit avannamukarluni aallassasoq. Sinersortaatip angalanissaanut tunngasut oqarasuaammut 34 91 91-imut sianerluni paasiniarneqarsinnaapput.