Sareximik sungiusarneq: Takornariartaat Arctic Victory sumiissutsiminik nalunaaruteqanngilaq
Umiarsuaq takornariartaat 250-inik ilaasoqarpoq, sumiissutsiminillu nalunaartussaalluni nalunaarsimanngilaq. Umiarsuit takornariartaatit tamarmik sumiissuserminnik Issittumi Sakkutooqarfimmut nalunaaquttap akunneri arfinilikkuutaarlugit nalunaartussaatitaapput, aamma greenposimik taaneqartartoq.
Allattoq Peter Troelsen, Simon Uldum
Umiarsuaq takornariartaat Arctic Victory Tunup avannaarsuani Grønlandshavimiittoq nalunaaruteqarsimanngilq. Issittumi Sakkutooqarfiup imaani annaassiniarnermut aqutsisoqarfiata umiarsuaq sumiissusersiniarsaraa attaveqarfiginiarsaralugulu. Peqatigisaanik immikkoortut assigiinngitsut piareersimaqquneqarput. Tassalu Issittumi Sakkutooqarfiup umiarsui timmisartuilu, kiisalu Kangerlussuarmi imaani annaassiniarnermut immikkoortoqartarfik.
Sareximik sungiusarneq 2013 taamatut aallarnerneqarpoq, inuillu Nunatsinneersut, Danmarkimeersut, Islandimeersut, Candameersut USA-meersullu katillugit 550-it missaaniittut peqataapput.