Sara: Tamatta saassunneqarpugut

Ataatsimoortoqarnissaanik kajumissaarivugut. Københavnimi peqqarniisaarneruneragaasumik pisoqareernerani, IA-miit taama nalunaarput.
Assi © : Simon Uldum
Allattoq Jens Thorin
februaarip 15-at 2015 14:35

- Danskit inuiaqatigiittut piffissami kingullermi peqqarniisaarfigineqarneranni misigeqatigaagut. Eqqugaasut ilaqutaasullu misigeqatigaagut, IA-p siulittaasua Sara Olsvig oqarpoq.

 

Taassuma aamma  erseqqissarpaa, saassussineq inuiaqatigiinnut tamakkiisunut saassussinerummat,

 

- Saassussineq taamak ittoq inunnik ataasiakkaanik eqquiniarnerunani tamatsinnik eqquiniarneruvoq. Taamaattumillu matumani tamatta sugisaavugut. Pisoq manna upperisarsiornermik aallaaveqanngilaq, peqqarniisaarnerullunili peqqarniisaarnertut paasineqartussaq. Ataatsimoortoqarnissaanik kajumissaarivugut, Sara Olsvig oqarpoq.