Sara provinsimi angalasoq
Aalborgimi, soorlu angerlarsimaffeqanngitsunut atugarliortunullu, ornittagassaq, Tamassa, pisortatigoortumik ullumi ammarneqartussaq, peqataaffigissavaa, Tamassap taarserpaa ornittagaq alla, Perput. Issittoq pillugu ilisimatusarfiit nutaat marluk, Cirkla Aalborg, aamma Arctic Research Centre, Aarhusimiittut alakkagassaanut aamma ilaapput.
Sara Olsvig Aalborgimut unnugu inuulluaqqusissaaq, Kalaallit illuutaanni kikkunnut tamanut aaqqissuussinermik tikeraarnini naggasissallugu, soqutiginnittullu Sara Olsvigip Folketingimi siunissami sulinissaa pillugu saqqummiussuisinnaassapput. Aarhusimi Kalaallit Illuutaanni aamma taama aqagu unnukkut aaqqissuussisoqassaaq.
- Illoqarfinni taakkunani kalaallit najugallit sunut pisunut, ajornartorsiutaasinnaasunulluunniit, isumaat naleqquttut tusarnissaat qilanaareqaakka. Kalaallit Danmarkimi najugallit, ilinniagaqartullu, suut soqutigineraat ajornartorsiutigineraalluunniit, ammasumik eqqartussallugit uannut pingaaruteqarpoq, Sara Olsvig oqarpoq.
Illoqarfiit allat kalaallit illuuteqarfiusut mininneqartutut misigissanngillat. Tassami Sara Olsvig Odensemut, Esbjergimut Københavnimullumaajimi angalaassamaarpoq.