Sara Olsvigip Arctic Frontiers aamma peqataaffigai

Sara Olsvigip, Issittumi inatsisartunut ilaasortat ataatsimiititaliaannut siulittaasutut peqataasup, ataatsimeersuarnermi sammineqartut nuannaarutigai. Arctic Frontiers ukiormanna qulequtaqartinneqarpoq ”Issittup Inui”, peqqissuseq, avatangiisit inuiaqatigiillu immikkut sammineqarlutik.

-Tromsømi ataatsimeersuartitsinerit peqataaffigisama sisamaraat, tamatigullu pissariaqarfigilluartarpara. Aaqqissuisut nunat siuttuinik, politikerinik, ilisimatuunik inuussutissarsiutinillu ingerlataqartunik katersuutsitsillaqqissupilussuuipput. Ukiut siuliini uulia, gassi aalisarnerlu immikkut sammineqartarput. Taamaammat Arctic Frontiersip maanna inunnut tunnganerusunik qaqitaqarnera pitsaalluinnarpoq, Sara Olsvig oqarpoq.

Flemming Møller Mortensen issittoq pillugu ataatsimeersuarnermut Tromsømi ingerlanneqartumut aatsaat peqataavoq. Issittumi Siunnersuisoqatigiit illoqarfimmi tassani aamma allattoqarfeqarput.