Sara Olsvig siulittaasunngorpoq
Doris Jakobsen Siumumiit ataatsimiititaliami siulittaasup tulliatut inissippoq. Sara Olsvig Inuit Ataqatigiinniit tulluusimaarutigaa siulittaasunngornini.
-Oqaluuserisassat aaqqissuuttarnissaannut periarfissinneqarama nuannaarutigaara, immaqalu aamma ataatsimiititaliap torersalaarnissaanut, Sara Olsvig oqarpoq.
Kalaallit Nunaannut tunngassuteqartunut siulittaasunngornermi saniatigut, ataatsimiititalianut sisamanut inissippoq, maannamulli oqaatigisinnaanngikkallarpaa sunut inissinnini.
Doris Jakobsen ataatsimiititalianut inissippoq, tassaasut: Nunanut allanut tunngassuteqartunut ataatsimiitaliami, Eqqartuussiveqarnermut ataatsimiititaliami aamma Illersornissamut ataatsimiititaliami ilaasortanngorpoq, Kalaallit Nunaannullu tunngassuteqartunut ataatsimiititaliami siulittaasumut tullinngorluni, Natomilu ilaasortat inatsisartuisa aallartiataani inissamik aappagumut neriorsorneqarluni.
Politikerillu taakku marluk namminneq partiimi suleqatigisaminnit, tassalu Socialdemokraatiniit kiisalu SF-miit neriorsorneqarput, ataatsimiititalianut Kalaallit Nunaannut tunngassutilinnut sammisassaqartillugu isertinneqartassasut.
