Sara Olsvig Inatsisartunut qinigassanngortippoq
Kalaallit Nunaani suliassat angisuut maanna takkutilermata Sara Olsvig inatsisartunut qinigassanngortippoq aamma IAp Naalakkersuiniiginnarnissaa kissaatiginartinneqarmat.
Inatsisartunut qinigassanngortinnisssani amerlasuunit kaammattutigineqarmat tamanna Sara Olsvigip akuerisimallugu oqarpoq.
- Inatsisartunut qinigassanngortinnissara sukumiisumik eqqarsaatiginikuuvara, partiinik allaneeersunik aamma oqaloqateqartarnikkut, nunatsinni suliassanik annertoorujussuarnik maannakkut suliassaqarpugut, Sara Olsvig Danmark-lialerluni timmisartorsuarmut ikiartungalersoq ippassaq oqarpoq.
Inatsisartunut qinigaassaguni Folketing-imi ilaasortaanini attatiinnarniarlugu taanna oqarpoq.
Sara Olsvig-ip Inatsisartunut qinigaassaguni Folketinge-mi sinniisuunermi atorluartarnissaa pingaaruteqartoq Sara Olsvig isumaqarpoq, taannalu toqqammavigalugu inatsisartunut qinigassanngortinnissani pisimasoq unnerlugu.
Sara Olsvig siornatigut siornatigut ilaasortaasimanngilaq.
Folketinge-mi sinniisusaa tassavoq Johan Lund Olsen taanna nuna tamakkerlugu aamma kommune-ni politikeritut ukiuni arlaqartuni qinikkatut sulivoq. Sara Olsvig inatsisartunut qinigaassappat sinniisissaq Christiansborg-imi sulisarnissani akuerisimagaa, Sara Olsvig-ip oqaatigaa.
Folketinge-mi ilaasortaq Kalaallit Nunaanni qinigaasoq ukiumut 680.000 kr-nit missaannik akissarsisarpoq, inatsisartunut ilaasortaq 450.000 kr-nik akissarsisarluni.
Arlariinnik qinigaaffeqarnermi akissarsiat annertunerat pissutaalluni Sara Olsvig inatsisartunut qineqqusaarnersoq aperineqarami taanna ima akivoq:
- Eqqarsaat tamanna uanni saqqummernikuunngilaq, ilissi aatsaat eqqaagassiuk.
- Folketinge-mi sinniisoq atorluarneqartassaaq, sinniisoq atorneqaraangat akissarsiat sinniisup pisartussaavai, Sara Olsvig oqarpoq.
Folketinge-mi Kalaallit Nunaannut tunngassuteqartut sammineqartillugit inatsisartunut apuunneqartarnissaat pingaaruteqartoq Sara Olsvig isumaqarpoq.
- Kalaallit Nunaanni annertoorujussuarnik maanna suliassaqarpoq, taamaattumik Folketinge-mi suliaasimasut Inatsisartuni sammineqarnissaat pingaaruteqartoq, Sara Olsvig oqarpoq.
