Saqqummiussissanatik isumaqatigiissutigisimavaat

Matoqqasumik ataatsimiinnernit avammut tusarliussisannginnissaq Siumukkut isumaqatigiissutigisimavaat, naak maleruagassani tamanna pillugu erseqqissumik allassimasimanngikkaluartoq. Simon Olsenip aningaasaqarnermut ataatsimiititaliami siulittaasunngussammat aamma taamaaliorsimapput.

Taamannak naqissusiivoq inatsisartuni siumukkormiut gruppeformandiat Otto Jeremiassen.

Sinerissami siumukkormiut immikoortortaqrfiisa ilaat oqaaseqaqqusinnginneq pissusissamisoorsorineqanngilaq.

Ruth Heilmann ippassaq oqarpoq siumup siulittaasuannit oqaqqusaajunnaarsimalluni, tamannali siumup siulittaasuata ilumuunnginnerarpaa.

- Ruth Heilmannip radiokkut oqaaseqareernerata kingorna sianerfigisimanerarpaa, oqarfigalugulu gruppimi suliat matoqqasut avammut oqaluttuarimmagit nuannarinagu.

Siumup siulittaasua naalakkersuisullu siulittaasuat Hans Enoksen aama oqarpoq matoqqasuni oqaluuserisat siunissami saqqummiunneqartassappata taava sooq gruppimi ataatsimiittassanersut apeqquserlugu. Ruth Heilmann radioaviisimut oqarpoq, Siumup siulittaasuata inassutaa ataqqiniarini, imminermulli tunngasunik oqaluttoqassappat oqaaseqarsinnaasariaqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat