Saqqummersitsiuarnissaq qulakkeerniarneqassaaq

Atuakkiorfiup suliffeqarfinnut namminersortunut tuniniarneqarnera uninngagallarpoq. Namminersortunngorsaanissarlu tamanit isumaqatigineqanngikkaluaq, atuakkanik naammattunik saqqummersitsiuarnissap qulakkeerneqarnissaa Naalakkersuisut qulakkeerniagassarigaat, Atuakkiorfiup pisortarisimasaa maannalu Kulturimut Naalakkersuisoq Henriette Rasmussen oqarpoq, ippassaq atuakkat ulluanni uparuaanernut akissuteqarluni.

- Pisortaagallaramali namminersortunngorsaanissamut isummersuutit akerleriuarsimavakka, allaallu Nunatta Naqiterivianut akisussaaffigineqalernera akerlerisimallugu. Naalakkersuinermik suliallit killinniartarsimagaluarpakka killissinnaasimanagilli. Maannalu ajuusaarutigisorujussuuara namminersortunngorsarniarneqalernera, isumaqarama pisortat atuakkanik saqqummersitsisarneq akisussaaffigalugulu aningaasalersortariaqaraat. Henriette Rasmussen oqarpoq.

Ippassaq ulloq nunarsuarmi atuakkat ulloraat, Nunattalu Atuagaateqarfiani malunnartitsiniaasoqarpoq, atuakkanik saqqummiussisoqarlunilu oqalugiartoqarluni. Atuakkalli saqqummertartut ikittuinnaammata namminersortunngorsaasoqalernera ilaasa ernumagaat.

Inger Hauge atugaarniarfiuteqarlunilu saqqummersitsisarfiuteqarpoq, ukiumullu aqqaneq-marluk 15-illu akornanni saqqummersittarpai. Atuakkiorfillu kisiartaalluni saqqummersitsinissamut pisussaaffeqarmat naalakkersuisut uparuassallugit tunuarsimaarfiginngilai.

- Naalakkersuinermik suliallit tapersersuinerat takujuminaatsippara. Atuakkiorfik namminersortunngorsarneqalerpoq, namminersortunngorsaasoqareerpat qanoq pisoqassanersoq kialuunnit takorloorsinnaanngilaa. Tamanna assut ernumassutigaara. Inger Hauge naliliivoq.

Tamatumunnga Henriette Rasmussen akissuteqarluni ima oqarpoq:

- Atuakkat saqqummertartut ikittuinnaanerat ajornartorsiutaanngilaq, pisiortortarnerli ajornartorsiutaavoq. Pisisanngikkutta kia pisiarissagamigit, kialu atuakkiortut tapersersussavai ? Kisianni erseqqissaatigissavara, ukiumut saqqummersitsinissamut aningaasaliissutaasartut 900.000 koruunit piujuassapput.

Henriette Rasmussen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat