Saqqaq Midnight Sun festival naggataarnersiorneqarpoq
Allattoq Carla Davidsen
Saqqaq Midnight Sun festival Saqqami imigassartaqanngitsumik ingerlanneqartoq ullumi naggataarnersiorneqarpoq. Saqqamilu nunaqarfiup aqutsisuisa siulittaasuata, Mikkel Jensenip festivali iluarisimaarpaa.
”Nuannersutut nalilersinnaavara, inuppassuit tikittarlutillu aallaqqittarmata. Aammattaaq nunaqarfimmiut assigiinngitsunik tuniniaanermikkut isertitaqarluarput”.
Mikkel Jensenip aamma neriuutigaa festivalertitsisarneq siunissami ingerlajuartarumaartoq.
Festivalimut isumassarsisoq aqutsisorlu, Simon Løvstrøm oqarpoq, festivalimut suleqataasut arlaqartut namminneq piumassutsiminnik akissarsiaqaratik suleqataasimasut.