Saqqami SMS Festival-i aallartiinnaqaaq

Saqqaq Midnight Sun Festiva, naatsunngorlugu SMS Festivalimik taaneqartartoq,l ukioq manna ukiut sisamassaat juulip aqqaneq-aappaaniit 15-iat ilanngullugu ingerlanneqalerpoq, ukiuni siuliini marlunni Ilulissat Kommuneani kulturikkut illorsuaq Sermermiut, Mellemfolkeligt Samvirke, Inuit Youth International-ilu suleqatigalugit ingerlasinnarluni ukiuni kingullerni marlunni Ilulissat kommuneat suleqatigalugu nunaqarfimmi SMS festival kometimit Inuit Youth International-imiillu ingerlanneqartalerluni.

Ukioq manna pilersaarutaasumiit SMS festivaleqarnissaq ullunik marlunnik kinguartinneqarsimavoq angalaniarnermut periarfissat atorluarniarlugit, Simon Løvstrøm siornatigut ukiut siulliit marluk aaqqissueqataasarsimasoq isumassarsisuusorlu oqarpoq.

Ilaatigut angalaniarnerup killeqarneranik peqataarusullutik nalunaartaraluartut piffissaq kingulleq atorlugu peqataasinnaajunnartartut suli arlaqartut, SMS festival komitémi siulittaasoq Jonas Jensen oqarpoq.

SMS festivaleqartalernissaq ukioq 2004-mi isumassarsiaasimavoq. Saqqap 2005-imi ukiuni 250-inngortorsiorluni nalliuttorsiornissaa iluatsillugu piareersaatigalugu kulturikkut illorsuarmi aqutsisuusup Simon Løvstrøm-ip inuusuttut 150-it Kangaatsiap kommuneaniit avannamut Qaanaaq tikillugu, Mellemfolkelig Samvirke, Inuit Youth international-ilu suleqatigalugit katersorsimammatigit, eqqumiitsuliortut, nipilersortartut isiginnaartitsisartullu piumassutsiminnik akissarsiaqaratik nerisaqarnerat angalanerallu taamaallaat akilerlugit peqataasut ilitsersuisoralugit.

Illoqarfinniit nunaqarfinniillu peqataajartortut aamma tikerartarput isiginnaartitsinermik, qitinnermik saqqummersitsinernillu ingerlatsisarlutik.

Nipilersortartut nutaqqat arlallit SMS festivalimut ullumikkut peqataareernermi kingorna CD-mik saqqummersitsisimasut Simon Løvstrømip oqaatigaa.

Jonas Jensen oqarpoq, festivalip aningaasaqarnera ajornartorsiutaasartoq qinnuteqarniarneq komité-uinnaalluni ajornakusoortarmat ukioq kingulleq amigartoorutaasimasoq, peqatigiiffinngornissartillu eqqartorsimagitsik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat