Saqisut siulittaasuata aalajangiineq tupaallaatiginngilaa

- Tupinnanngilaq taama aalajangiisoqarmat, tassa LO, Danmarkimi sulinermik inuussutissarsiuteqartut kattuffissuat saqisut suliartoqqullugit peqqoreeraluarmatigit, soorlu uanga nammineq Dansk Funktionærforbund-ilu aamma taama peqqusisimagaluartugut, Air Greenland Cabin Union-imi siulittaasoq, Anders Mark Jensen oqarpoq. Taanna isumaqarpoq suliami nutaarsiassaqanngitsoq, taamaallaat maanna sulisartoqarneq pillugu eqqartuussivik akiligassiinissamut aalajangiisimasoq, tamannalu pillugu saqisut nalunaarfigereerini.

-Saqisut maannakkut aalajangiineq qanoq qisuariarfigissanerlugu eqqartorpaat, Anders Mark Jensen oqarpoq

- Eqqaaqqilaassavara sulinermik unitsitsineq akuerinnginnakku, Air Greenlandimilu angalasussat ajuusaarfigaakka, kisianni aamma oqaatigisariaqarpara saqisut suli pakatseqqasupilussuummata, aaqqiiniarnissarlu anguniarlugu qullersanik oqaloqatiginnikkusullutik, tassa soraarnerussutissiaqarnissamut aaqqissuussineq allanngortikkusukkaluaramikku, Anders Mark Jensen oqarpoq.