VIDEO SAPP: Nunani allaniit sulisussanik tikisitsisa

Sisimiuni Aalisartut Piniartullu Peqatigiiffianni, SAPP-mi, siulittaasup aalisartut aningaasarsiorsinnaagaluarlutik aalisakkeriviup sulisussaaleqinera aporfigigaat oqaatigaa.

- Maani nunami aningaasarsiorneq pimoorunneqassappat allatut ajornaqaaq kalaallit oqarfigisariaqarpagut: Sulerusunngikkussi taava nuna allamiunik sulisoqalerniarta, aaslisartoq Adam Dahl, KNR-imut oqarpoq. 

Sisimiuni aalisartut piffissami matumani saarullinnik tunisassaaleqinngillat. Tupinnannartumimmigooq Sisimiut eqqaani saarullippassuaqarmat. 

Sisimiuni suliffissaaleqisoqaraluartoq ajoraluartumik Royal Greenlandip aalisakkeriviani sulisussaaleqisoqarpoq. 

- Ullaakkut makissinnaasut kiisalu akissarsiffiup kingorna sulisinnaasut ajoraluartumik amigaatigaagut, aalisakkerivimmi pisortaq Hans Lars Olsen KNR-imut oqarpoq. 

Tamannalu naammaginanngilluinnartoq allanngortariaqartorlu SAPP siluittaasuat isumaqarpoq.

- Nunatsinni aningaasarpassuit utaqqipput. Nuna aningaasarsiorfigissagutsigu nunami allamiunik tikisitsiniarta.

- Allatut ajornaqaaq allatut eqqarsartariaqarpugut, Adam Dahl pissutsit ilungersunareqalugit oqarpoq.

Aalisartut oqariartuutaa aalisakkeriviup pisortaanit ilalerneqarpoq. 
- Maani takusinnaasarput malillugu nunaqqatigut sulisinnaasut naammanngillat. Tamanna nassuerutigisariaqarparput. 

- Taamaammat nunat allat sulisusarsiorfiginissai eqqarsaatigisinnaavarput,  Hans Lars Olsen oqarpoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat