Sapiitsuliortumut nersornaat

Sulisitsisut Peqatigiiffiata ualimanna sapiitsuliortumut nersornaammik taasartik arnamut tunniuppaat, inuiaqatigiinni oqallinnermi isornartorsiuisinnaassuseqarluni oqaaseqartarsimasumut.

Nersornaatisivoq Nauja Bianco, 29-nik ukiulik, taannalu naalagaaffimmi pissutsit pillugit cand.scient., pol-itut ilinniagaqarsimavoq, maannalu Kultureqarnermut Ilinniartitaanermullu Pisortaqarfimmi sullissisutut atorfeqarluni.

Taassumali nersornaaserneqarnerani inuttaa pineqarpoq, ukiuni kingullerni inuiaqatigiinni oqallinnermi isornartorsiuisinnaassuseqarluni oqallinnermut akuliuttarnera maluginiarneqarsimalluni. Tassuunakkut taakkartorneqartut ilagaat Royal Greenlandip siulersuisuisa taarserneqarnerannut atatillugu oqaaseqaatit, politikerinik atorfilinnillu isornartorsiuisut kiisalu Jens Napaattuup ” akileraartartut aningaasaataannik asulersuaq piisaarsimaneranik” Sermitsiami allaaserisaqarsimanera.

Sulisitsisut Peqatigiiffiata taamatut nersornaasiinerannut kingullertigut pissutsinik isornartorsiuineq tunngaliivoq.

Nauja Biancop nammineq naliliinera naapertorlugu pissusissamisuuginnarpoq pissutsinik isornartorsiuisinnaaneq, inuiaqatigiit tamat oqartussaaqataanerisa aqqani ineriartortuni. Nersornaatisininilu pissutsinik isornartorsiuisinnaanermik akuersaarnertut nalilerpaa, oqaluuserissallugit paqumigisat oqalligineqartalernissaat pisariaqartoq unnerlugu.

Nersornaat 10.000 kruuninik aningaasartaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat