Sapiitsuliorsimasoq nersornaaserneqartoq

Kangerluarsummi sermimit pinngortumik malissuarmit eqqorneqarluni ajunaaleraluartumik annaassisoq, Københavnimeersoq, 26-nik ukiulik, Peter Rosvig Pedersen, ukioq-manna sapiitsuliortutut nersornaatisivoq.
decembarip 16-at 2009 06:48

Sapiitsuliortunut aningaasaateqarfik, Carnegies Belønningsfond for Heltemod, Kalaallit Nunaanni, Savalimmiuni Danmarkimilu sapiitsuliorsimasunik ukiut tamaasa nersornaasiisarpoq.

20.000 koruunillu Peter Rosvig Pedersenimut ukioq-manna tassa tunniunneqarput. Taanna takornariallu allat umiarsuarmut takornariartaammut Kisamut ilaallutik Kangerluarsummut takornarniarlutik niusimasut, Ritzauimi allappoq.

Tamaaniitillutik malissuarmit tassanngaannaq eqqorneqarput - sarfartorsuanngormat inuit arlallit ipillutik ajunaarput, Peter Rosvig Pedersenilu, nammineq sarfamit aamma eqqorneqaraluarluni imminut annaappoq, takornariallu ilaat sarfamit nassataritinnaveersaarlugu aamma annaallugu.

Annattut sinneri umiarsuarmut takornariummut tamarmik ikereermata, Peter Rosvig Pedersen umiatsiaq pullattagaq atorlugu ajunaartunik ujaasiartorpoq.