Sapigallit pillugit paasissutissat ujartorneqarput
Sapigaqartut niivertarfinni nioqqutissanik pisisinnaanerisa ajunnginnerulernissaat anguniarlugu atuisartut siunnersuisoqatigiiffiata siulitaasuata Nikolaj Ludvigsen-ip Peqqinnissamut naalakkersuisumut Asii Chemnitz Narup-imut saaffiginnissutaa aallaavigalugu Asii Chemnitz Narup qisuariaateqarpoq.
Nunatsinni sapigaqartut amerlassusaasa pillugit paasissutissat Asii Chemnitz Narupimit aamma ujartorneqarput.
Nerisaqarneq pillugu suinnersuisooqatigiit piumaffigineqarput sapigallit nioqqutissanik sunik pisariaqartitsinersut innersuussuteqaqqullugit.
Atuisut siunnersuisoqatigiiffiata siulitaasuata Nikolaj Ludvigsen-ip neriuutigaa, inatsisiliornikkut kalaallit nunaanni sapigaqartut, niivertarfinni pisariaqartitaannik pisisinnaatitaalernissaat.
Siunnersuisoqatigiit marluusut paasisaat aallaavigalugit, Asii Chemnitz Narup-ip naalakkersuisunut ingerlateqqinniarpai, sapigallillu qanoq ilillugit ajunnginnerusunik atugassaqartitaalernissaat oqallisigineqarumaarluni.
