Sapigallit amerleriapiloorput
. Taamak allappoq nakorsaq Anders Kock, maanna issittumi peqqinneq pillugu Yellowknifemi, Canadami ataatsimeersuaqataasoq.
2008-mi nakorsat Vibeke Camper Anders Kochilu sisimiuni meeqqat inuusuttuaqqallu misisuiffigaat, paasinianermilu erserpoq meeqqat inuusuuaqqallu qulingiluaniit 15-nut ukiullit akornanni 30 procentii aamminni sapigaqarnermut akiuussutissanik akoqartut. Siullermik misissuineq pivoq 1987-imi pivoq, taamanilu misissuinermi erserpoq aamminni sapigaqarnermut akiuussutissanik akoqartut 10 procentiusut. 1998-imi misissueqqittoqarmat paasinarsivoq 1987-imi misissuinermiit aamminni sapigaqarnermut akiuussutissanik akoqartitsisut 19 procentinngorsimasut. Tassa ukiut qulit ingerlaneranni aamminni akiuussutissallit marloriaatinngorsimasut. Maannalu tassa meeqqat inuusuttuaqqallu pingasuugaangata ataaseq aammini sapigaqalernissamut akiuussutissanik akoqalersimavoq. Paasiniaanermi aamma maluginiarneqarpoq akiuussutissaqalerneq niviarsiaqqat akornanni taamaallaat pisoq.
Nakorsat paasiniaasut ersarissumik oqaatigisinnaanginnerarpaat sooq sapigaqartarneq akulikillinersoq eqqoriarpaalli qallunaaminertornerulerneq patsisaasinnaasoq.
