Qinersinissaq: Sapaatit akunneri pingasut sioqqullugit sumiiffik nalunaarutigineqareersimassaaq

Kalaallit Danmarkimi nunaniluunniit allani najugaqarallartut Inatsisartunut qinerseqataaniarunik sapaatit akunneri pingasut sioqqullugit sumiinnertik nalunaarutigereersimassavaat. Taamatut nalunaaruteqarnissaq sapaatit akunneri arfinillit sioqqullugit pissasoq KNR-ip allaaserigaluarpaa.

Allaaserisaq Sullissivik.gl-imi paasissutissat kukkusut naqqinneqarsimaneranik ilallugu pingasunngornermi marsip arfineq-aappaani nal. 4.37 nutarterneqarpoq.

Kalaallit Danmarkimiikkallartut nunaniluunniit allaniikkallartut Inatsisartunut qinerseqataaniarunik qinersinissamut sapaatit akunneri arfinillit sioqqullugit kommunerisaminnut sumiinnertik nalunaarutigereersimassagaat, KNR-ip ullumi oqaluttuaraa.

Tamannali kukkuneruvoq. Qinersinissarmi sapaatit akunneri pingasut sioqqullugit nalunaarsimanissaq piumasaqaataavoq.

Qinersisinnaanermummi inatsit 2012-imili allanngortinneqarmat qinersinissaq sioqqullugu innuttaasut nunatta avataaniikkallartut siornatigut sapaatit akunneri arfinillit sioqqullugit sumiinnertik nalunaarutigereertaraluaraat sapaatit akunneri pingasunut sivikillineqarpoq. Tassa assersuutigalugu kalaallit Danmarkimi nunaniluunniit allani ilinniartut matumani pineqarlutik.

AAMMA ATUARUK Kielsenip qinersisoqarnissaa suaarutigaa

Qupperneq Sullissivik.gl Kommunit Namminersorlutillu oqartussat ataatsimoorlutik atugaanni qinersinissamut maleruagassatoqqat 2012-imeersut aamma nassuiaassutigineqaannarput.

Qinersisinnaanermut allattorsimaffimmili sapaatit akunneri pingasut sioqqullugit nalunaareersimanissaq Kommuninut, Nunaqarfinnut, nunap iluani attaveqaatinut Ineqarnermullu naalakkersuisoqarfiup uppernarsarpaa.

Nuuttoqarsimatillugu maleruagassatoqqat suli atorneqartut.

Nuunnermut malittarisassat aamma pisoqaasut

Sullissivik.gl-imi kukkunerit taanna kisiartarinngilaat.

Tassanimi allattorsimasoq naapertorlugu illit qinersisinnaatitaassaguit taava kommunimut allamut nuussimanerit sapaatit akunneri pingasut sioqqullugit inuit allattorsimaffiannut nalunaarutigereersimassagit allaqqavoq. Qinersinissamulli inatsit naapertorlugu sapaatit akunneri arfinillit sioqqullugit tamanna pereersimassasoq erseqqissaatigineqarpoq.

Tassa kommunimut nuussimanerpit nalunaarutiginera sapaatit akuneri arfinillit sinnerlugit pisimassappat taava kommunerilikkanni qinersisinnaatitaavutit. Nuussimanerilli sapaatit akunneri arfinillit inorlugit pisimassappat, taava kommunitoqanni taamaallaat qinersisinnaatitaavutit.

Tamanna Namminersorlutik Oqartussani Nunap iluani pissutsinut immikkoortortaqarfiata uppernarsarpaa.

AAMMA ATUARUK Underskrifter til opstilling annulleret

Inatsisartunut qinersinissaq ukioq manna apriilip 17-iani 24-ianiluunniit ingerlanneqassaaq.

Sullissivik.gl-imi paasissutissat kukkusut maanna aaqqinneqareerput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat