Hash pillugu eqqartuussineq Sapaatit akunneri pingasut eqqartuussisoqassaaq

Ikiaroornartoq hash pillugu eqqartuussivimmi suliaq sapaatit akunnerinik pingasunik sivisutigisumik suliarineqassaaq

Ikiaroornartumik hashimik anngiortumik eqqussuisimaneq, pinerlunnikkut aningaasarsianik malunnarunnaarsaasoqarsimaneranik, nakuusernerit aningaasanillu aningaaserivimmi nuussuisimaneq pillugit eqqartuussivimmi suliaq ataasinngornermi aallartippoq.

Inuit arfineq marluk, angutit arfinillit, 25-nit 38-nut ukiullit unnnerluutigienqarput, unnerluussisussaatitaassullu piumasaqatai malinneqassappata, unnerluutigineqartut ilai ukiut tallimat pineqaatissinneqarsimasunut inissiisarfimmiitussanngortineqarsinnaapput.

Sermersuup eqqartuussiviani eqqartuussineq ataasinngornermi ullaakkut qulingiluanut aallartimmat, inuit 40-it missaannik amerlatigisut eqqartuussivimmiiput. Inuit arfineq marluk ikiaroornartumik hashimik 63 kilotut oqimaassuseqartumik Kalaallit Nunaannut ukioq 2015-mit 2017-mut eqqussuisimasutut unnerluutigineqarput, eqqartuussivimmilu suliarineqarnera majip ulluisa qulingiluaata tungaanut ingerlanneqarnissaa, Eqqartuussisup Johanne Thorup Bankep nalunaarutigaa, taassuma saniatigut eqqartuusseqataasut pingasuupput.

Inuit arfineq marluk, angutit arfinillit arnarlu ataaseq taakkua 25-nit 38-nut ukioqarput, taakkua illersuisui, politiillu aqerlutik pitarneqarsinnaanngitsunik aaqanngitsunik atorput, illuinnarsuuteqarlutik, kiisalu unnerluutigineqartut qanigisaat aamma unnerluussisussanngorniat eqqartuussisoqarnerani malinnaapput.

AAMMA ATUARUK Hashi pillugu suliami pasineqartut millionerpassuarnik iluanaaruteqarsimasut

Unnerluussissussaatitaasup Tobias Bergip unnerluussissutit minutsit 45-it atorlugit saqqummiussivoq.

Unnerluussissutit assigiinngitsut 16-it pineqarput, siulliit pingasut, ikioroornartumik hashimik anngiortumik ukioq 2015-mit 2017-ip tungaanut eqquissineq eqqussueriaraluarnerit taakkualu tuniniarneqarnerat pineqarput.

Unnerluutigineqartut tamarmik pinngitsuunerarput

Taamatuttaaq unnerluutigineqartut sinerinut pisunnginnerarput, taamaallaat ikittuinnaat ataasiakkat nassuerlutik.

Unnerluutigineqartut ilaata, unnerluutigineqartut ilaannut qunusaaruuteqarsimanini nassuerutigaa, qunusaarneqartup inuunerminik uloriarntarsiorsinnaaneranik qunusaaruteqarsimanera pillugu.

Unnerluutigineqartup allap, ikiaroornartumik hashimik nammineq atugassaminik 1 gram ataallugu tigumiaqarsimalluni nassuerpoq.

AAMMA ATUARUK Allakkerivimmi sulisut hashimik eqquissueqataapput

Unnerluutigineqartut ilaat ataaseq ilaatigut hashimik 276 gramimik ikiaroornartunillu estacynik iisartakkanik arfineq marlunnik tigumiarsimalluni ilaatigut nassuerpoq, taakkua tuniniaqqitassatut siunniunneqarlutik.

Unnerluussisussaatitaasup arnap unnerluutigineqartup ukiut pingasut inorlugit pineqaatissinneqarnissaa, sinnerisalu tallimat, tallimat inorlugit pineqaatissinneqarnissaat piumasaralugu.

Unnerluutigineqartut arferngannut, taassuma kingusinnerusukkut aalajangiiffineqarnissaa unnerluussisussaatitaasup piumasaraa.

Haship Kalaallit Nunaannut eqqussuunneqarnera

Ikiaroornartut hash Københavnemi allakkerivinnit assigiingitsunit Kalaallit Nunaannut nassiunneqartarput, ilaatigut suliffeqarfinnut Visit Greenlandimut aamma Rene Designemut allagartalerlugit naassiunneqartarlutik , TELE-POST-imilu sulisut nassiunneqartut tigusarpaat, unnerluutigineqartullu ilaannut ingerlateqqinneqartarput taakkua tuniniarneqarnissaat isumagisussaallugu.

AAMMA ATUARUK Hashi allakkatigut nassiunneqartoq

Kontonut aningaasanik ikisisarnerit.

Assersuutigalugu unnerluutigineqartut ilaata kontoanut 950.000 kr-ni ikineqarsimapput. Taakkua aningaaseriviup Grønlandsbankenip pinerlunnikkut aningaasarsianik malunnarunnaarsaasoqarneranik politiinut nalunaarutigineqarlutik.

Ullup qeqqata siorna eqqartuussisoqarnerani, unnerluutigineqartut ilaasa oqarasuaatikklut oqaloqatigiinnerat tusarnaartinneqarput, soorluttaaq ikiaroornartup haship anngiortumik eqqunneqartut ilanngaaserisuniillu tiguneqartut assilineqarnerat takutinneqarput.

Eqqartuussineq marlunngornermi nanginneqassaaq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat