Sapaatip akunnerini marlunni tigummigallarneqassaaq
Angut 47-nik ukiulik tigummigallagassanngortinneqartoq killisioreerlugu politiit taama nalunaarput. Angutilli pineqaatissinneqarnini Nunatta Eqqartuussivianut ingerteqqippaa, tassanilu tigummigallagassanngortitaanerup sivitsornerata ingerlatiinnarneqarnissaa aalajangerneqassalluni. Tamanna Nunatta Eqqartuussiviata nalunaaquttap akunnerisa 24-t ingerlaneranni aalajangiivigissavaa.
Angut 47-nik ukiulik, isiginnittut marluk pisuusutut tikkuareeraallu marlunngormat unnukkut tigusarineqarpoq. Persuttarneqartoq Oles Varehusip eqqaani saassunneqarpoq annertuumillu ajoquserneqarluni allaat aqqunartiternini suliaritittariaqalerlugit. Angutip inuunera navianartorsiunngilaq.