Sapaatip-akunnerata naanera eqqissisimaarfiuvoq

Akissarsiffiup nalaa sapaatip-akunneratalu naanera politiit manna tikillugu assigiinngitsunik misigisaqarfigaat, annerusumik eqqissisimaarfiuvoq ataasiakkaalli ulapissimapput.

Ilulissani Nuummilu politiit ullut kingulliit eqqissisimaarfigisimavaat, angerlarsimaffinni eqqissiviilliortitsinerit ataasiakkaaginnaasimapput, qujanartumillu meerartaqarsimanngitsut, politeeqarfiit nalunaarput.

Qaqortumili sapaatip-akunnerata naanera akissarsiffiuneralu malunnarsimasoq, pigaartoq Karina Nielsen oqarpoq. Aalakoortut aqqusinerni naapitassaasimapput ataasiakkaanillu angerlarsimaffinni eqqissiviilliortitsisoqarsimalluni. Sisimiuni ullut kingulliit aamma ulapaarfiusimapput.

Inuit aalakoortut aqqusinerni takussaasimapput, angerlarsimaffinnilu eqqissiviilliortitsinerit amerlasimaqalutik.

- Aamma inuit marluk isertitsivimmi sinitsittariaqarsimavavut. Sisimiuni politeeqarfimmi pigaartoq Johan Frederik Kreutzmann nassuiaavoq.

Qujanartumilli kommunemut isumaginnittoqarfimmut meeqqanik tunniussisariaqarsimannginnginerarput.