Sapaatip akunnerani 18-imi aalakkuttut

Tassami sapaatip akunnerani tassani pisunik politiit nalunaarutaat misissuataaraanni sapaatip akunnerani 18-imi imigassartortoqarsimaqaaq. 

- Sapaatip akunnerata 18-iunera ajoraluartumik malugisinnaasimanngilarput. Aamma sapaatip-akunera taanna iluatsitsinerliornartumik aningaasarsiffiuvoq, tassalu sapaatip-akunnerata imigassartorfiusussaannginnera, kisitsisaativut qimerluualaaraanni takuneqarsinaanngilaq, Nuup politiivineersoq, Taatsi Fleischer oqarpoq.

Sapaatip akunnera 18 sapaatit akunnerinut aningaasarsiffiusunut sanilliukkaanni, allaanerussuteqanngilaq. Tassami sapaatip akunnerani 18-imi politiit suliaat tamangajalluinnarmik imigassartorsimanermik pissuteqartut, Taatsi Fleischerip oqaatigaa.

- Assersuutigalugu angerlarsimaffinni 14-ini eqqissiviilliortoqarpoq, taakkunanngalu pingasuni meerartaqarluni, aali Nuummiinnaq, Taatsi Fleischer oqarpoq.

Illoqarfiit 14-it nunaqarfiillu 33-t sapaatip akunnerani 18-imi aaqqissuussinernut assigiinngitsunut, Peqqissutsimut naalakkersuisumit Steen Lyngemit tapiiffigineqarput. Tamannalu Naalakkersuisup nuannaarutigaa, sapaatimmi akunnera taanna imigassap oqallisiginissaanut periarfissiimmat.

Politiit nalunaarutaani imigassartorsimaneq pissutigalugu sapaatip akunnerani kingullermi unioqqutitsinerit soorunami nuannersuunngillat, sapaatilli akunnera 18 soqutiginanngitsutut isigisassaanngitsoq taassuma nassuiaatigaa.