Sapaatip akunnera radiokkut attaveqarsimanngillat
Upernaviup nunaqarfiini radiokkut attaveqaatit sapaatip akunnerata ingerlanerani ajoquteqarnerat pissutigalugu aallakaatitanik tusanaarsinnaasimanngillat.
Allattoq Louise M. Kleemann
Ajoqut qaqqap qaani inissisimasoq Tele Greenland-ip atortorissaaruserisuisa iluarsiniarlugu maannakkut sulipput. Ulluni kingullerni pujornera isikkivilunneralu pissutigalugu qulimiguulimmik timmisoqarsinnaasimanngillaq.
Tele Greenland-imi tusagassiissartoq Maliinannguaq Marcussen Mølgård radioavisimut oqarpoq, naatsorsuutigineqartoq Aappilattumi Kangersuatsiamilu ullup qeqqata siorna radio tusarnaarneqarsinnaalerumaartoq.