Sapaatip akunnera "Erngunnata atuisa" ullumimiit aallartippoq

Sapaatip akunnerani 18-imi ukiormanna sammineqartussatut qulequtaritinneqartoq tassaavoq, "Erngunnata atuisa". Sapaatip akunnnera 18 oqallinnernik aaqqissuussinernillu pisoqarfiussaaq aamma killeqanngitsumik aserorsaataasumillu imigassamik atuinngikkaluarluni inuunermut immminullu susassaqareqatigiinnissamut oqallinnerit sinaakkusiisuussaapput.
Allattoq Elisa Isaksen
apriilip 30-at 2012 08:25

Sapaatip akunera 18, tassa nuna tamakkerlugu suliniut, sapaatip akunnera imigassartorfiunngitsoq ullumikkut aallartippoq.

Peqqissutsimut Naalakkersuisoqarfiup suliniut tamanna ukiut tamaasa suliniuteqarfigisarpaa imigassamik atuinermi ileqqut sammineqartarlutik.

Imigassamik atornerluinerup akiorniarneqarnera killilersuinikkut inerteqquteqarnikkullu pinnani, kisiannili isummiussanik imigassamillu isiginneriaatsimik ataavartumik allanngortitsinikkut, pissasoq Naalakkersuisut isumaqarput.

Tamaattumik  sapaatip akunnerani matumani nuna tamakkerlugu oqallinnerit aaqqissuussinerillu  ingerlanneqassapput - aaqqissuussinerit taakkua aqqutigalugit imigassartornermi ileqqut imeriaatsillu sammineqassallutik.

Peqqissutsimut Naalakkersuisoqarfimmit oqaatigineqarpoq  imigassartornermi ileqqut pitsaasut namminnererlutik pingorneq ajortut.

Sapaatip akunnerani  imigassartorfiunngitsumik aaqqissuussisarneq 1992-imilli atuutilerpoq.

Sapaatip akunnnerata 18-ip toqqarneqarneranut ilaatigut tunngavilersuutigineqarluni 18-nik ukioqalernermi inersimasutut oqartussaafeqalersarnerup aallartittarnera, taamaalillunilu  imigassartorsunnerluni aamma qanoq atsigisumik imigassartussanerluni aalajangerneqarsinnaanngortarmat, Peqqissutsimut Naalakkersuisoqarfik nittartakkamini ilaatigut taama allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq