Sapaassuarmi tusarnaartitsineq
Katuami sapaatiuppat ualikkut juullerpalaartumik tusarnaartitsisoqassaaq. Erinarsoqatigiit arlallit tusarnaartitsissapput nipilersortartullu pikkorissut aamma juullerpalaartumik tusarnaartitsinermi peqataassallutik.
Aappariit Nina Kreutzmann Jørgensen aamma Malik Hegelund Olsen tusarnaartitsilluni aaqqissuussinermi saqqummiisuusassapput. Ukioq mannalu adventimi tusarnaartitsilluni aaqqissuussinermi qarlortartartoq ilisimaneqarluartoq Arnannguaq Gerstrøm aaqqissuisuuvoq.
KNR-ip erinarsoqatigiivi Qupannavaat Sofi Ek aqutsisoralugu tusarnaartitsissapput, taakku saniatigut KNR-ip meeqqanut erinarsoqatigiivi Qupannnavaajaqqat erinarsortartoq Ida Heinrich aqutsisoralugu aamma tusarnaartitsiumaarput. Erinarsoqatigiit sungiussisimalluartut NIPI Per Rosing aqutsisoralugu aamma tusarnaartitsiumaarput.
Tusarnaariat aamma periarfissaqassapput NBO Kvartetten tusarnaassallugit, erinarsortartoq Josef Josefsen aamma agiartartoq Hanne Saandvig adventimi tusarnaartitsisoqarnerani aamma tusaaneqarsinnaassapput.
Tusarnaartitsilluni aaqqissuussineq decembarip aappaani Katuami pisussaq nal. 15.00-imiit nal.16.00 tungaanut Hans Lyngep Inersuani ingerlanneqassaaq.
