Sap. ak. naaneriinnaa atorlugu suliffeqarfiliorit

Suliffeqarfimmik aallarnisaasut ilisimasalinnit ilitsersorneqarnissaminnut peqatigisaanillu namminerisaminnik suliffeqarfiutitaarnissaminnut periarfissatsialammik tunineqarput. Nalunaaquttap akunneri 54-iinnaat iluanni tamanna anguneqarsinnaavoq, taamatullu Sisimiuni periarfissiisoqassaaq.
Allattoq Peter Troelsen, Simon Uldum
maajip 22-at 2013 11:54

Aaqqissuussineq taaguuteqartinneqarpoq ’Startup Greenland’, Sisimiunilu Sanaartornermik Ilinniarfimmi ingerlanneqassalluni. Soqutiginnittut kikkulluunniit nal. 17-imit atuarfiliarnissaminnut tikilluaqqusaapput. Siumoortumik nalunaarsimanissaq piumasaqaataanngilaq.

Peqataasut isumassarsiaminnik ineriartortitsissapput, avataaniillu inuussutissarsiornermik ilisimasaqarluartunit ilitsersorneqassallutik. Sapaatit akunnerata naanera tamaat eqimattakkuutaarluni sulisoqassaaq. Naggataatigut pilersaarut naliliisartoqatigiinnut saqqummiunneqassaaq, piviusunngortinnissaanut siunnersuisinnaasunut.

Greenland Businessip Lars Kranker suleqatigalugu Startup Greenland ingerlatissavaa. Namminersulerusukkuit pilersaaruppit misilinnissaanut periarfissatsialak atorluaruk tallimanngorpallu Sanaartornermik Ilinniarfimmukarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq