Saniatigooralugu Uranisiornissaq namminersortut tapersersorpaat
Atsiornernik katersorneqarsimasut 250-it missaaniittut Aatsitassanut Naalakkersuisup Kuannersuarni aatsitassarsiortoqalersinnaanera pillugu Narsami ataatsimiititsimmat ippassaq tunniunneqarput.
-Isumaqanngilagut Kuannersuarni aatsitassarsiortoqalersinnaanera akerlerineqartorujussuusoq, taamaammat pisortatigoortuungitsumik atsiornernik katersipallappugut, Qaqortumi Narsamilu.
Qaammaterpaaluit tamanna oqaluuserisimavarput, akerliusumik nipilimmik saqqummertoqanngilaq, isumaqarpugullu unammillertoqartariaqartoq, iluaqutissartai eqqarsaatigineralugit, Qaqortumi inuussutissarsiutit pillugit ataatsimiitartoqatigiinni siulittaasoq Jim Riis oqarpoq.
Atsiortitsinertik sumut atorniarneraat pillugu Qaqortumi inuussutissarsiorneq pillugu ataatsimiitartoqatigiit siulittaasuat aperineqarami akivoq siunertarigitsik ersersissallugu kujataani inuussutissarsiornermik ingerlatallit tamakkiisumik Aatsitassanut naalakkersuisoq Kim Kielsen tapersersormassuk, tassa taanna isumaqarmat aatsitassat qallorneqartut saniatigut uran iluaqutiginiarneqarsinnaalluartoq.