Sandersip tunuarneratigut Joe Biden USA-mi præsidentimut novembarimi qinersisoqarnissaani Donald Trumpimut maanna unammillertinngussaaq.Assi: Phil Roeder/Flickr

Sanders præsidentimut sassarnerminit tunuartoq

Amerikami demokratit præsidentimut qinigassanngortitaat Senator Bernie Sanders USA-mi præsidentimut novembarimi qinersinissamut qinigassanngortinnerminit tunuarpoq.

Tamanna nammineerluni pingasunngornermi uppernarsarpaa.  

- Qineqqusaarneq unikkaluartoq naapertuilluiniarnermut ilungersuuteqarneq ingerlaannarpoq, Bernie Sandersip attaveqaqatigiittarfikkut Twitterikkut erseqqissarpaa.  

Sandersip qineqqusaarunnaarneratigut, præsidentimut tullersortaasimasup Joe Bidenip demokratit sinnerlugit præsidentimut qinigassanngortinnissaanik aqqutissiuivoq.

- Præsidentimut tullersortaasimasoq Biden qinigassanngortissaaq. Ataatsimoorluta Donald Trumpip ajorsartinnissaanut ingerlaqqissaagut, USA-p oqaluttuarisaanerani præsidentit ulorianarnersaat, Bernie Sanders oqarpoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat