Bernie Sandersip Joe Biden præsidentimut qinersinissamut tapersersoraa
USA-mi senatorip Bernie Sandersip, USA-p præsidentimut tullersortigisimasaanut Joe Bidenimik præsidentimut ukioq manna novembarimi qinersinissamut tapersersuinini pisortatigoortumik maanna nalunaarutigaa.
Sanders, USA-mi demokratit præsidentimut sassartitassaasa akornanni Bidenimut qanittukkut unammillertutuanngoraluarpoq, præsidentimulli sassarnerminit tunuarnini sapaatip-akunnerata siuliani pingasunngornermi nalunaarutigalugu.
AAMMA ATUARUK Sanders præsidentimut sassarnerminit tunuartoq
- Allatut iliuuseqarsinnaanngilagut. Katersuuttariaqarpugut suleqatigiittariaqarlutalu, Bernie Sanders Joe Bidenimut oqarpoq.
- Tapersersuinerit uannut isumaqartorujussuuvoq, Biden oqarpoq, Sandersilu USA-mi naapertuilluarniarnermut pingaaruteqarnerarlugu.
Joe Biden, USA-mi præsidentimut ukioq manna novembarip ulluisa pingajuanni qinersinissamut atatillugu demokratit sinnerlugit maanna præsidentimut Donald Trumpimut unammillertaassaaq.