Sanasussanik ilinniartoqarnissaq piviusorsiorsorinngilaat

Amerlanernik ilinniartoqarnissaq piviusorsiunngitsutut sanaartortut ilaannit nalilerneqarpoq.

Nuummi nunatsinni illorsuit portunerpaartaannik sanaartortut MT Højgaard-kut pisortaat Sune Bastrup oqarpoq ukiortaamiit avataaneersoqaraangat ataatsimik kalaallimik ilinniartitsisalernissaq sanaartornerup iluani piviusorsiunngitsoq.

Nuummi illorsuaq 13-nik quleriinnik portussusilik inissianillu 60-nik inissiaqartussaq sananeqarpoq avataaneersunik arfineq-marlunnik sanasoqarluni.

Avataaneersup ataatsip immikkut kalaallimik ataatsimik ukiortaamiit ilinniartitaqartalernissaannut inatsisissaq piviusorsiorpallaanngitsutut Sune Bastrupip isumaqarfigaa. Danmarkimi periutsimut qanillattornerulluni piviusorsiorluarnerussammat, tassalu qulinik sulisoqaraanni ataatsimik ilinniartoqarsinnaaneranik piumasaqaateqarnissaq.

Ilinniartup ataatsip arlalinnik ornittagaqarluni assigiinngiiaanik ilinniagaqarsinnaanera pissarsiaqarnarnerussasoq Sune Bastrup oqarpoq.

Soorlu siusinnerusukkut radioaviisimi saqqummiunneqareersutut ukiaru inatsisartut ataatsimiinnerminni siunnersuut suliarissavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat