Sanaqateqarluni illuliat amerlineqarnissaat Immanuelsenip kissaatigaa

Jens Immanuelsen, Siumut sinnerlugu Inatsisartunut ilaasortaq, ineqarnermut naalakkersuisumut Siverth K. Heilmannmut § 37 naapertorlugu apeqquteqarpoq. Sanaqateqarluni illuliat ukiuni kingullerni ikiliartortut pillugit apeqquteqarpoq.
Allattoq Peter Troelsen, Simon Uldum
januaarip 14-at 2014 09:46

Jens Immanuelsenip paaserusuppaa nunaqarfinni illoqarfinnilu avinngarusimasuni sanaqateqarluni illuliat sananeqartartut sorliit sanaartugassatut periarfisaatinneqarpat, Illorput type 69, illorput 2000 imaluunniit illorput 2100. Aammattaaq nammineerluni illuliortarnermi isertitat aallaavigalugit 10%-inik akiliuteqartitsisarneq Naalakkersuisunit attatiinnarniarneqarnersoq paaserusuppaa.

- Paaserusuppara nammineerluni illuliat type sorliit nunaqarfinni isorliunerusunilu sanaqateqarluni illuliarineqartartut atuutinniarneqarnersut. 2007-mi isertitat aallavigalugit akiliuteqartarneq nunaqarfinni isorliunerusunilu sanaqateqarluni illuliortarnermi atuutinneqalermalli nammineerluni illuliortiterneq kinguariarpoq nunaqarfinni isorliunerusunilu. Tamanna allangortinneqassanersoq paaserusuppara isertitat immikkut aallaaviginagit nunaqarfinni isorliunerusunilu inissaaleqineq annertusiartuinnassanngippat aaqqiisoqatariaqartoq isumaqarama, Immanuelsen apeqquteqaatiminut atatillugu taama allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq