Sanaluttartut Kangerlussuarmi pilersaarusiorfigineqarput

Nunatsinni Takornariaqarnermi Inuussutissarsiornermilu Siunnersuisoqatigiit ineriartortitsineq pillugu ittuat, Mads-Daniel Skifte, oqaluttuarpoq sanaluttartut suliaasa pitsaanerulernissaat, sanaluttartunillu inuuniutigineqarsinnaalernissaat, anguniarneqartoq. Sanaluttartut 18-it pallillugit Kangerlussuarmi maannakkut peqataapput. Mads-Daniel Skifte oqaluttuarpoq sanaluttartut suliaat inummiit inummut assigiinngitsorujussuusut, sanaluttartullu tuniniaanissartik eqqarsaatigalugu suleqatigiiffiliortariaqartut. Nunanut allanut sanalukkanik aamma tuniniaasoqartalersinnaavoq, nunanulli allanut eqquteqqusaangitsut, soorlu qilalukkat tuugaavi nannullu pisataannit sanaat, ilanngullugit annissorneqannginnissaat eqqumaffigineqartariaqartut.