Sanaluttartut eqqumiitsuliortullu suliaat avammut tunitsivissaqalerput

Sanaluttartut eqqumiitsuliortullu kiisami aalaakkaasumik suliaminnik tunitsiveqalersimapput.

Pilersuisoq ukiup appassaa eqqumiitsulianik sanalukkanillu pisiortorluni katersivoq, nunatsinni nunanilu allani tuniniarneqaqqinnissaat siunertaralugu.

Pilersuisup Tuniniaanermi Pisortaa Kurt Lauridtsen, tamanna pillugu ima oqarpoq:

Sinerissami assigiinngitsunut isumaqateqareerpugut, immikkut oqaatigalugit Tasiilarmiunut aamma Qaanaarmiunut aamma Upernavimmiut misissuiffigereepavut kiisalu kingusinnerusukkut allat aamma ilanngukkumaarpavut, Kurt Lauridtsen nassuiaavoq.

Tunisassiat pisiarisimasaat qanoq tuniniaqqissaneraat apeqqutigigakku, Kurt Lauridtsen oqarpoq, Nuummi tamarmik katersorneqartut, taavalu soqutiginnittut aamma takornariartitsiviit, Pilesuisup nammineq pisiniarfiutai inuillu soqutiginnillutik Pilersuisumut attaveqartarsimapput tuniaaqqikkumallutik.

-Kalaallit eqqummiitsuliornikkut aamma sanalunnikkut kulturiat tammatsaaliniarlugu taamatut misiliivugut. Aamma siornatigornit ataqatigiissumik periaaseqalerniarluta. Ukiuni arlaqalersuni Canadami periaaseq taanna takuarput, taajikku ajunngivissumik eqqumiitsulianik sanalukkanillu avammut tuniniaapput, Kurt Lauridtsen oqarpoq.

Aamma ilisimatitissutigaa namminneq Paris-imi, London –imilu saqqummersitsivissatut atorsinnaasaminnik nassaarsimallutik soorlu qanitukkut Washington –mi tamanna aamma misilissimagitsik.

-Ukioq siulleq aningaasatigut iluanaarnissarput siunertarisimanngilarput, kisianni maannakkorpiaq takusinnaasagut malillugit iluanaarutitigut ajunngivissumik ingelalersimavugut, taama naggasiivoq Kurt Lauridtsen, Pilersuisumi Tuniaanermi pisortaq.

Kurt Lauridsen aamma oqarpoq, Sanalukkanik eqqumiitsulianillu Pilersuisoq sinnerlugu pisiortortup Robert Holmene-p, suliat oqaluttuassartaat kimillu suliarineqarsimaneri nalunaarsortarai.